ថ្មីៗនេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានជំរុញឲ្យACUបើកការត្រួតពិនិត្យស៊ើបអង្កេតឲ្យបានស៊ីជម្រៅទៅលើអំពើពុករលួយរបស់មន្ត្រីដឹកនាំគ្រប់ស្ថាប័នដើម្បីធ្វើការវះកាត់តាមអភិក្រមទី៥របស់រាជរដ្ឋាភិបាល ក្នុងនោះផងដែរលោក វរៈសេនីយ៍ទោ ខឹម ចិត្រា អត្ថលេខ១២២០៩ អតីត នាយប៉ុស្តិ៍នគរបាលអន្តោប្រវេសន៍ច្រកទ្វារតំបន់ ជ្រៃធំ ជាប់ព្រំដែនវៀតណាម ក្នុងស្រុកកោះធំ ខេតកណ្តាល។ដែលត្រូវបានផ្ទេរមកធ្វើជានាយប៉ុស្តិ៍នគរបាលអន្តោប្រវេសន៍ប្រចាំច្រកទ្វារអន្តរជាតិប៉ោយប៉ែត ជំនួសលោកឧត្តមសេនីយ៍ទោ ស៊ឹ ម សំអាត ឲ្យទៅធ្វើជាអនុប្រធាននាយកដ្ឋាន ទទួលទិសទី១ ដែលកំពុងតែពង្រឹងអំណាចស់ខ្លួននោះ ហើយលោក ខឹម ចិត្រា មិនបោះប ង់ចោលទម្លាប់ចាស់ដោយមិនត្រឹមតែជម្រឹតយកលុយពីប្រជាពលរដ្ឋប៉ុណ្ណោះទេ ពោលគឺថែមទាំងបង្កើនអំពើពុករលួយកាន់តែខ្លាំងទ្វេរដងជាងមុនទៅទៀត ។ប្រភពពីមន្ត្រីនគរបាលនៅក្នុងអគ្គនាយកដ្ឋានអន្តោប្រវេសន៍ក្រសួងមហាផ្ទៃ មួយចំនួនបានបង្ហើបឲ្យដឹងថា ការដែលលោក ខឹម ចិត្រា ហ៊ា នធ្វើអ្វីៗតាមអំពើចិត្ត គឺដោយសារអាងមានលោកនាយឧត្តមសេនីយ៍ គៀត ច័ន្ទថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍ ជាបង្អែកដ៏រឹងមាំ បើមិនអញ្ចឹងស្មានថាលោក ខឹម ចិត្រា ហ៊ានយកតួនាទីប្រើអំណាចទៅប្រព្រឹត្តអំពើពុករលួយទាំងងងើលដូចសព្វថ្ងៃនេះឡើយ ។តាមការអះអាងនោះឲ្យដឹងថាលោក ខឹម ចិត្រា នាយប៉ុស្តិ៍រូបនេះនៅតែបានប្រើកូនចៅក្រោមបង្គាប់ឲ្យចាំជម្រឹតទារលុយពីបងប្អូនពលករ កម្មករ នឹងអាជីវករខ្មែរ ដែលឆ្លងដែនតាមច្រកទ្វារអន្តរជាតិប៉ោយប៉ែត ដោយមានការសហការជា មួយនឹងមេនគបាលអន្តោប្រវេសន៍ថៃ ឈ្មោះ បិន បានសហការគ្នាប្រព្រឹត្តអំពើពុករលួយឆ្លង ដែនដោយខុសច្បាប់ និងបំពានច្បាប់ ពីព្រោះនៅក្នុងកិច្ចព្រមព្រៀងរវាងប្រមុខរាជរដ្ឋាភិបាលទាំង២កម្ពុជា_ថៃ (MOU)ស្តីពីការឆ្លងដែនទៅមករបស់ប្រជាពលរដ្ឋប្រទេសទាំង២មិនអនុញ្ញាតិឲ្យមន្រ្តីមានសមត្ថកិច្ចដែលឈរជើងនៅច្រកទ្វារខាងលើជម្រឹតយកលុយពីប្រជាពលរដ្ឋឡើយ ក៏ប៉ុន្តែលោក ខឹម ចិត្រា មេច្រករូបនេះនៅតែ បន្តប្រឆាំងបទបញ្ជារ របស់ប្រមុខរាជរដ្ឋាភិបាល ធ្វើឲ្យប្រជាពលរដ្ឋក្ដៅក្រហាយកាន់តែមានការថ្នាំងថ្នាក់ចំពោះទង្វើរបស់លោក ខឹម ចិត្រា រីឯអ្នកទទួលអម្រែកបន្ទុកដោះស្រារាល់បញ្ហាទាំងអស់នោះគឺប្រមុខរាជរដ្ឋាភិបាល ។ប្រភពបានឲ្យដឹងទៀតថាលោក ខឹម ចិត្រា តែងប្រើឈ្មោះនាយឧត្តមសេនីយ៍ គៀត ច័ន្ទថារិទ្ធ ដើម្បីការពារទង្វើរបស់ខ្លួនក្នុងខណៈដែលថ្នាក់ដឹកនាំក្រសួងមហាផ្ទៃ កំពុងរក្សាភាពស្ងៀមស្ងាត់នៅឡើយ។ ហេតុនេះហើយទើបលោក ខឹម ចិត្រា នាយប៉ុស្ដិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត និងបក្ខពួកកំពុងបង្កើនសកម្មភាពនៃអំពើពុករលួយយ៉ាងកំរោលដោយគ្មានញញើតអ្វីទាំងអស់ ។ប្រជាពលរដ្ឋក៏បានសំណូមពរដល់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃសូមមេត្តាពិនិត្យឡើងវិញចំពោះសមាសភាពមន្ត្រីនគរបាលអន្តោប្រវេសន៍ដែលដាក់ឲ្យមកធ្វើជាមេប៉ុស្តិ៍ច្រកទ្វារអន្តរជាតិប៉ោយប៉ែតដូចជាលោក ស៊ឹម សំអាត និងលោក ខឹម ចិត្រានេះហាក់ដូចជាមនុស្សមួយតំបរស្មើនឹងបួនដដែលៗហេតុដូច្នេះគួរតែធ្វើការផ្លាស់ប្តូរចេញជាបន្ទាន់កុំឲ្យខូចឈ្មោះដល់មន្ត្រីនគរបាលដទៃទៀតដែលស្មោះត្រង់គោរពតាមបទបញ្ជាថ្នាក់ដឹកនាំនិងខិតខំបម្រើការងារជូនប្រជាពលរដ្ឋបានល្អជូនដល់រាជរដ្ឋាភិបាលផងដែរ ។ករណីភាពមិនប្រក្រតីរបស់លោក ខឹម ចិត្រា ប្រ ធានប៉ុស្តិ៍នគរបាលអន្តោប្រវេសន៍ថ្មី ច្រកទ្វារអន្ត រជាតិប៉ោយប៉ែត មានដូចជា៖ ១_ជម្រិតយកប្រាក់ពីពលរដ្ឋក្នុងម្នាក់ៗ៥០បាត(លុយថៃ)ឬស្មើនឹង៧០០០រៀលក្នុងការប្រថាប់ត្រាលើបណ្ណ័ព្រំដែនចេញពីប្រទេសកម្ពុជាចូលទៅប្រទេសថៃតាមច្រកទ្វារអន្ថរជាតិប៉ោយប៉ែត។២_ធ្វើលិខិតបញ្ចាក់១សន្លឹកតម្លៃ២០០បាតនិង៥០០បាតផ្សេងទៀតសម្រាប់ថតកាតចូលប្រទេសថៃ ។៣_ធ្វើលិខិតបញ្ជាក់១សន្លឹកតម្លៃ២០០បាតនិង៤០០បាតផ្សេងទៀតសម្រាប់ថតកាតចូលទៅដីថៃចំពោះពលរដ្ឋមកពីតាមបណ្ដាខេត្តក្រៅពីក្រុងប៉ោយប៉ែត។៤_ជម្រិតយកលុយ៣០០បាតក្នុង១ខែពីអ្នករត់ម៉ូតូឌុបនៅគល់ស្ពានមិត្តភាព កម្ពុជា-ថៃ។ ៥_ជម្រិតទារលុយពីអ្នករត់ម៉ូតូកង់៣ ម្នាក់៦០០បាតក្នុង១ខែ។៦_ជម្រិតទារលុយពីអ្នកលក់ចំណីអាហារតាមរទេះរុញម្នាក់ក្នុង១ខែចាប់ពី១៥០០-២០០០បាតរហូតដល់៦០ ០០បាត ។ ហើយនៅក្នុងនោះផងដែរ ចំណុចទី៥និងទី៦ គឺលោកវរៈសេនីយ៍ឯក ទេព សម្បត្តិ នាយរងប៉ុស្តិ៍ ជាអ្នកក្ដោបក្តាប់សេដ្ឋកិច្ចផ្ទាល់ខ្លួន ។ករណីប្រព្រឹត្តអំពើពុករលួយរបស់លោក ខឹម ចិត្រា ត្រូវបានប្រជាពលរដ្ឋនៅក្រុងប៉ោយប៉ែត និងពលករខ្មែរចូលទៅធ្វើការនៅប្រទេសថៃនឹកសង្ឃឹមស្មានថាការផ្លាស់ប្តូរមេប៉ូលិសអន្តោប្រវេសន៍ច្រកទ្វារអន្តរជាតិប៉ោយប៉ែត គួរណាស់ថាបានធូរស្បើយមួយកម្រិតពីការគាបសង្កត់យកលុយរបស់មន្ត្រីនគរបាលប្រចាំច្កនេះ ប៉ុន្តែមិននឹកស្មានថាលោកប្រធានថ្មីស៊ីលុយធំជាងលោកប្រធានចាស់គឺចាប់តាំងពីលោក ខឹម ចិត្រា បានមកឡើងកាន់តំណែងជាប្រធានប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត ជំនួសលោក ស៊ឹម សំអាត ដែលល្បីខាងប្រព្រឹត្តអំពើពុករលួយហើយថែមទាំងសូកប៉ាន់ពន្យាកំណើតដើម្បីបានកាន់តំណែងធ្វើជាអនុប្រធាននាយកដ្ឋានទទួលទិសទី១កំពុងពង្រឹងអំណាចជាបន្តទៀត។ ចំណែកឯលោក ខឹម ចិត្រា វិញមិនត្រឹមតែបន្តដើរតាមគំរូអាក្រក់របស់លោក ស៊ឹម សំអាត ប៉ុណ្ណោះទេ គឺថែមទាំងបង្កើនអំពើ ពុករលួយកាន់តែខ្លាំងទ្វេរឡើង ។អង្គភាពCTVពុំអាចធ្វើការទំនាក់ទំនងជាមួយគាគីពាក់ព័ន្ធខាងលើបានទេនៅពេលនេះយើងនឹងរង់ចាំទទួលព័ត៌មានថ្មីៗបន្ថែមទៀតរៀងរាល់ម៉ោងធ្វើការ៕
ចំនួនអ្នកទស្សនា
ព័ត៌មានគួរចាប់អារម្មណ៍
អ្នកដំណើរចំនួន៦៥នាក់និងក្រុមការងារ៦នាក់នៅលើយន្តហោះបានស្លាប់ខណៈបានធ្លាក់នៅរុស្ស៊ី (សហការី)
វីដែអូ